29-01-2020, 16:58
Natali
565

Гарадскі конкурс чытальнікаў беларускай паэзіі і прозы “Люблю мой край”

 

Конкурс праводзіцца ў памяць пра мастака Фёдара Сцяфанавіча Кісялёва.

Па выніках будуць абраны 4 выканаўцы-пераможцы, кожнаму з якіх будзе ўручаны прыз – арыгінальны мастацкі твор магілёўскага мастака-пейзажыста Ф.С. Кісялёва.

У конкурсе могуць прымаць удзел усе жыхары горада Магілёва ва ўзросце ад 12 да 18 гадоў.

Удзельнік рыхтуе да ўдзелу адзін твор (на выбар) беларускіх аўтараў.

Конкурс праводзіцца з 21 студзеня 2020 года па 20 лютага 2020 года ў 2 этапы.

1 этап (адборачны). 21 студзеня – 15 лютага 2020 года. На дадзеным этапе праводзіцца прыём заявак і папярэдні адбор удзельнікаў без іх прысутнасці.

2 этап (заключны). 15 лютага – 20 лютага 2020 года. На дадзеным этапе ўдзельнікі, якія прайшлі папярэдні этап, запрашаюцца ў арганізацыю, што праводзіць конкурс, дзе ім неабходна ў прысутнасці журы выканаць абраны імі твор.

Для ўдзелу ў конкурсе неабходна даслаць заяўку з указаннем твора беларускага аўтара на электронны адрас конкурснай камісіі: [email protected] з паметкай “конкурс”.


Iнфармацыйны адзел партала Masheka.by


Друзья, оцените данную статью и оставьте свой комментарий по этой теме!

Социальные комментарии Cackle