Грамадская кампанія па папулярызацыі беларускай мовы стартуе ў Магілёве

Слухачы Школы гарадскіх ініцыятыў «Цяпліца» вырашылі папулярызаваць выкарыстанне беларускай мовы праз установы грамадскага харчавання горада ў межах кампаніі «Вітайся!»
 
Дзеля чаго мы гэта робім? Пагадзіцеся, каб не страціць сваёй ідэнтычнасці як асобнай нацыі, неабходна размаўляць  на роднай мове ў паўсядзённым жыцці. Мова – гэта наша гісторыя, сучаснасць і будучыня.  Ці шмат тых, хто размаўляе па-беларуску штодня? Ці шмат тых, хто не баіцца памыліцца ў сваёй гаворцы? Памыляцца не сорамна, сорамна не размаўляць наогул!

 
“Размаўляць па-беларуску – гэта модна! Будзь у трэнде!” 

Ужо з намі: кафэ «Шпаркі Лось», кавярня-бар «Терруар», кавярня «Мир23», кафэ «Марио», бар «19 век», пякарня «Breadberry».
 
Стаўшы госцем гэтых устаноў з сакавіка па красавік 2020 года, вы зможаце:

- атрымаць зніжку за замову на беларускай мове;
- вясёлыя стыкеры ў падарунак;
- размоўнік з рускай на беларускую мову для наведвальнікаў;
- смачныя кампліменты;
- добры настрой.
 
А таксама зможаце палепшыць, замацаваць і выкарыстоўваць сваё веданне роднай мовы.
 
Размаўляйце на беларускай мове і адзначайце сваё наведванне месцаў хэштэгам #вiтайся.
 
Калі вы ўладальнік установы грамадскага харчавання і хочаце далучыцца да нашай кампаніі, напішыце нам: cgimogilev@gmail.com
 
Падрабязнасці  –  у нашых сацыяльных сетках.

Iнфармацыйны адзел партала Masheka.by