Каманда Фаланстэра зноў едзе ў Магілёў з праектам Мапа заўтрашняга дня

Шукаеш месца, дзе можна павалантэрыць у родным горадзе? У цябе ёсць хвілінка часу і ты хочаш прымяніць яе з карысцю? Або ты – арганізацыя, якая хоча стаць бачнай для будучых валантэрак і валантэраў ці знайсці партнэраў?

Тады далучайся да Мапатона, каб разам дадаць і знайсці кропкі на інтэрактыўнай Мапе заўтрашняга дня*, якую распрацоўвае Фаланстэр.

Што будзе падчас Мапатона?

• Распавядзем пра ідэю “Мапы заўтрашняга дня” і тое, як яна можа дапамагаць грамадскім актывістам і актывісткам пашыраць сувязі і партнёрства.
• Адкажам на ўсе твае пытанні.
• Дададзім арганізацыі і ініцыятывы твайго горада, мястэчка, або вёскі на Мапу і паглядзім, як яна працуе!
• Таксама ты даведаешся, што такое Мапа каштоўнасцяў грамадскіх арганізацый.

Для каго Мапатон?

• для грамадскіх актывістаў, прадстаўнікоў арганізацый і ініцыятыў, што жадаюць быць болей бачнымі ў беларускім грамадстве і павялічыць кола сяброў і партнэраў;
• для тых, хто шукае сваю магчымасць для валанцёрства ў родным горадзе або ўва ўсёй Беларусі;
• для жадаючых сваімі рукамі зрабіць гэты свет крышачку лепш.

Чаму мы гэта робім?

• Мы робім мапу не для супольнасцяў а разам з супольнасцямі, актывістамі і айці-валанцёрамі.
• Мапа абнаўляльная шырокім колам рэдактараў без прэмадэрацыі або якой-небудзь цэнзуры вузкага кола рэдактараў.
• Дадзеныя захоўваюцца паводле адкрытых стандартаў (opendata), а ўвесь код праэкта створаны па прынцыпам opensource і захаваны ў адкрытым рэпазіторыі.
• Гэта значыць, што мы абапіраемся на давер, валанцёрскую працу, а таксама верым у моц супольнасці.

Будзе добра калi ўдзельнiкi возьмуць з сабой ноўтбук.

Калi: 9 кастрычнiка (серада).
Час: 16:00.
Дзе: Цэнтр Кола.
Адрас: Чкалава, 16.
Уваход: вольны.