28-08-2018, 00:01
alina_or
469

Лекцыя "Крэш-курс рэфарматара: як пабудаваць новую Беларусь"

Цэнтр новых ідэй запрашае на адкрытую размову “Крэш-курс рэфарматара: як пабудаваць новую Беларусь”

Рэформы хвалююць большасць звычайных людзей і элітаў, але вакол іх у Беларусі паўстала больш шуму і туману, чым сапраўдных ведаў. Мала хто разумее, якія рэформы патрэбныя і як іх трэба рабіць, навошта нам прыватызацыя, ці станем мы яшчэ бядней, калі пачнуцца рэформы і хто нам дапаможа іх рэалізаваць. 

Гэтыя і іншыя пытанні прапануем вам абмеркаваць з эканамістам і віцэ-прэзідэнтам CASE Belarus Алесям Аляхновічам ды палітолагам і заснавальнікам Цэнтра новых ідэй Рыгорам Астапеням. За адну гадзіну вы даведаецеся пра балючы досвед краінаў-суседзяў і як пабудаваць новую Беларусь. 

Дыскусія ладзіцца Цэнтрам новых ідэй - грамадскай арганізацыяй, якая спалучае лепшыя практыкі медыя-платформы, публічнага форуму, адукатара, даследчай арганізацыі і групы па адвакаватаванню. Цэнтр імкнецца зрабіць беларускую палітыку разумнай, эканоміку інавацыйнай, а грамадства адкрытым. 

Пра лектараў:

Рыгор Астапеня – заснавальнік Цэнтра новых ідэй. Раней працаваў дырэктарам па развіцці і аналітыкам Цэнтра Астрагорскага. Рыгор рыхтуецца да абароны PhD-дысертацыі ў Варшаўскім універсітэце.

Алесь Аляхновіч – віцэ-прэзідэнт CASE Belarus і аспірант Варшаўскай школы эканомікі. Раней працаваў у кансталтынгавай кампаніі McKinsey і Нацыянальным банку Польшчы. 

4 верасня, аўторак
18:30-20:30
Тэхналагічны парк (вул. Ленінская 63, аўдыторыя 807)

Уваход вольны, рэгістрацыя: https://goo.gl/Y7YatA

Рыхтуйцеся да дыскусіі і прыемнай размовы за келіхам віна пасля выступу.
Група ў Facebook – https://www.facebook.com/events/933861833487073
Група ва “УКантакце” – https://vk.com/event170540079 




 


Друзья, оцените данную статью и оставьте свой комментарий по этой теме!

Социальные комментарии Cackle