21-09-2017, 18:30
Retroman
88
Поделиться

27 сентября - Адкрыццё выставы "Нацыя кніг" в Могилеве



Музей гісторыі Магілёва сумесна з Дзяржаўным музеем гісторыі беларускай літаратуры (г. Мінск) і Нацыянальнай бібліятэкай Беларусі запрашаюць 27 верасня 2017 года а 17-й гадзіне на адкрыццё літаратурна-мастацкай часовай экспазіцыі “Нацыя кніг. Статут 1588 і старадрукі”, прысвечанай важным падзеям ў культурным жыцці нашай краіны – 500-годдзю беларускага кнігадрукавання і 5-годдзю вяртання аднаго з асобнікаў знакамітага Статута ВКЛ.

Дзейнасць Францыска Скарыны аказала велізарны ўплыў на развіццё кнігадрукавання і пісьменства на тэрыторыі Беларусі, ва ўсім Вялікім княстве Літоўскім, іншых усходнеславянскіх краінах, таму экспазіцыя “Нацыя кніг. Статут 1588 і старадрукі” дае магчымасць зазірнуць у свет старадаўніх і рэдкіх выданняў з друкарняў Полацка, Нясвіжа, Гродна, Магілёва, Вільні.
На выставе вы зможаце ўбачыць адзіны ў Беларусі вышэйшы заканадаўчы акт Вялікага княства Літоўскага, Рускага і Жамойцкага, папярэдніка еўрапейскіх Канстытуцый – Статут ВКЛ 1588 г. Кніга была выдадзена на старабеларускай мове ў друкарні Мамонічаў (Вільня). Тысячы Статутаў, якімі карысталіся нашы продкі, былі страчаны, але ў 2012 годзе, дзякуючы ахвяраванням, адзін з асобнікаў быў выкуплены. Вяртанне на радзіму знакавага выдання стала працягам шматвяковай традыцыі мецэнацтва на Беларусі.

Адкрыццём для гасцей стануць рэдкія выданні Магілёўскай кансісторскай друкарні XVIII cт. з фондаў Нацыянальнай бібліятэкі Беларусі, якія будуць выстаўлены ўпершыню, а таксама паменшаная копія друкарскага станка часоў Скарыны, зробленая вучнем 5-га класа мінскай гімназіі – Маркам Кодзеневым.

Партнёр мерапрыемства: кампанія Alpari Evrasia – міжнародны брэнд на рынку Forex.

Дата и час: 27 верасня - 17.00
Месца правядзення: гвул. Ленінская, 1а (Ратуша).
Кантактны тэлефон для запісу на экскурсіі: (0222) 252968.


Чтобы не потерять данную статью - сохраните её себе на стену в любимой соц.сети

А давайте обсудим эту тему - напишите комментарий!