Сустрэча з Цімафеем Авіліным у Магiлёве – аўтарам кнігі "Паміж небам і зямлёй: этнаастраномія"
Natali
Музей В. К. Бялыніцкага-Бірулі (Магілёў, вул. Ленінская, 37)
ПЕРАНОСІЦЦА сустрэча з Цімафеем Авіліным – аўтарам кнігі "Паміж небам і зямлёй: этнаастраномія"
Сустрэча мусіла адбыцца 15 жніўня 2020 года (субота) ў Музеі В. К. Бялыніцкага-Бірулі ў Магілёве.
Але па аб'ектыўных прычынах мы мусім перанесці імпрэзу на нявызначаны час, бо ў першую чаргу клапоцімся пра бяспеку людзей.
Чакайма больш спрыяльнага часу, сябры!
Сачыце за абвесткамі ў нашых суполках.
Старонкі сустрэчы Укантактце: https://vk.com/etnaastranom
У Фэйсбуку: https://www.facebook.com/events/2738163963132440/
Мы ведаем старажытныя міфы розных народаў пра зоркі. А ці былі ў беларусаў свае легенды пра нябёсных жыхароў? Як чалавек традыцыйнай культуры ўспрымаў неба і аб’екты на ім? На гэтыя ды іншыя пытанні адкажа Цімафей Авілін – аўтар кнігі “Паміж небам і зямлёй: этнаастраномія”. Запрашаем на сустрэчу з ім, якая пройдзе ў Магілёве, у двары музея В. К. Бялыніцкага-Бірулі (пры добрым надвор’і), або ў памяшканні музея (калі будзе дождж).
Падчас сустрэчы будзе магчымасць задаць свае пытанні аўтару і набыць кнігу з яго аўтографам.
Для гасцей імпрэзы мы прапануем невялікі інтэрактыў ад суполак «Студэнцкае этнаграфічнае таварыства» (філіял у Магілёве) і «Беларускія народныя танцы ў Магілёве» – гульні і загадкі на тэму этнаастраноміі і беларускага фальклору. Можна прыходзіць з дзецьмі!
Цімафей Авілін – этнограф, даследчык этнаастраноміі, лінгвіст, праграміст. Нарадзіўся ў 1985 годзе ў Мінску. Скончыў фізічны факультэт Беларускага дзяржаўнага ўніверсітэта, магістратуру Еўрапейскага гуманітарнага ўніверсітэта па праграме "Ахова і інтэрпрэтацыя культурнай спадчыны". Стала працуе ў галіне камп'ютарных тэхналогій, з'яўляецца навуковым супрацоўнікам Цэнтра даследаванняў беларускай культуры, мовы і літаратуры Нацыянальнай акадэміі навук Беларусі. Mae больш за 30 публікацый па этнаастраноміі і астраніміі на англійскай, літоўскай, беларускай і іншых славянскіх мовах.
Кніга «Паміж небам і зямлёй: этнаастраномія» — беларуская навуковая кніга Цімафея Авіліна, выдадзеная ў 2015 годзе. Гэта першая спроба грунтоўнага абагульнення беларускага матэрыялу з этнаастраноміі, астраніміі і ўвогуле традыцыйных ведаў, датычных нябёсных целаў І гэта першая грунтоўная праца па этнаастраноміі на ўсёй постсавецкай прасторы. Прыводзяцца народныя ўяўленні пра зоркі і сузор'і, метэоры і іншыя нябесныя з'явы. Кніга адрасуецца фалькларыстам, этнолагам, этналінгвістам і шырокаму колу чытачоў, якія цікавяцца традыцыйнай духоўнай культурай. Крыніцамі матэрыялу паслужылі экспедыцыйныя запісы аўтара і іншых даследнікаў, творы беларускага фальклору, а таксама “кніжная” народная астраномія з старажытнай усходнеславянскай літаратуры.
ЗАПРАШАЕМ!
Уваход – па квітках. Кошт – 1 рубель. Квіткі - у касе музея.
Пры падтрымцы:
суполкі «Беларускія народныя танцы ў Магілёве
Кафэ «ШПАРКI ЛОСЬ» - Магілёў
ГА «Студэнцкае этнаграфічнае таварыства» (філіял у Магілёве)
АБФ - Актыўным Быць Файна (Магілёў)
Даведкі па тэлефонах:
Музей: (80222) 65-07-57
Каса музея (80222) 65-02-03
