8-04-2020, 15:53
Natali
443

Красавiк з кампаніяй “За права на інфармацыю”. Далучайцеся да анлайн-івэнтаў

 

Прывітанне, сябры!

Самы час пракачаць свае скілы. Кампанія “За права на інфармацыю” распачынае месяц хатняй адукацыі. Мы падрыхтавалі для вас вебінары на актуальныя тэмы. Бярыце кубачак кавы, закручвайцеся ў коўдру і далучайцеся да нашых анлайн-івэнтаў.

9 красавіка 18.00 —19.30Паразмаўляем з рэдакцыямі пра тое, як яны працуюць з інфармацыяй ва ўмовах, калі маеш чуткі, паведамленні грамадзян і маўчанне афіцыйных крыніц (за гэта рэдакцыям яшчэ і папярэджанні даюць). 
 
Журналісты Віктар Малішэўскі,  Ірына Турчына, Ульяна Бабаед і Антон Трафімовіч распавядуць, як яны збіраюць і правяраюць інфармацыю, ці варта пісаць пра кожнага захварэўшага і ці хопіць на ўсіх грэчкі (па дадзенных Мінсельгасхарча).
 
15 красавіка 17.00 —18.30З адвакатам Мінскай гарадской калегіі адвакатаў, спецыялістам у галіне крымінальнага і адміністрацыйнага права Таццянай Лішэнковай пагаворым пра бяспеку журналістаў і тактыку паводзін пры разглядзе спраў аб адміністрацыйных правапарушэннях. 
Як паводзіць сябе з супрацоўнікамі міліцыі, што патрабаваць, падпісваць пратакол альбо не, як паводзіць сябе ў судзе і іншае.
 
23 красавіка 18.00 —19.30Аналітык «Кошту ўрада» Жана Кулакова навучыць працаваць з бюджэтнымі дадзенымі: як пісаць пра бюджэт, каб гэта было цікава і без памылак.
 
30 красавіка 15.00 —17.00Сумесна з Фондам «Масавыя камунікацыі» (fmcom) мы  ўздымем тэму прававога рэгулявання дзейнасці СМІ.
 
Юрысты Сяргей Зікрацкі, Алена Лысакова і Аляксей Казлюк распавядуць пра прававое рэгуляванне зместу інфармацыйных паведамленняў, абавязкі і адказнасць журналіста і рэдакцыі паводле закона аб СМІ, рэкламныя і не рэкламныя артыкулы, правядзенне рэкламных гульняў, забеспячэнне доказаў пры распаўсюдзе інфармацыі.  
 
 
Пасля рэгістрацыі вы атрымаеце інструкцыі і спасылку на трансляцыю.


Друзья, оцените данную статью и оставьте свой комментарий по этой теме!

Социальные комментарии Cackle